Sunday, December 28, 2008

मनातल्या मनात मी ..

विडियो:

Lyrics:

मनातल्या मनात मी...
मनातल्या मनात मी तुझ्यासमीप राहतो !
तुला न सांगता तुझा वसंत रोज पाहतो !

अशीच रोज नाहुनी
लपेट उन्ह कोवळे
असेच चिंब केस तू
उन्हात सोड मोकळे

तुझा सुगंध मात्र मी इथे हळूच हुंगतो !

अशीच रोज अंगणी
लवून वेच तू फुले
असेच सांग लाजुनी
कळ्यांस गूज आपुले

तुझ्या कळ्या, तुझी फुले इथे टिपून काढतो !

अजून तू अजाण ह्या
कुंवार कर्दळीपरी
गडे विचार जाणत्या
जुईस एकदा तरी
'दुरून कोण हा तुझा मरंद रोज चाखतो...?'

तसा न राहिला अता
उदास एकटेपणा
तुझीच रूपपल्लवी
जिथे तिथे करी खुणा
पहा कसा हवेत मी तुझ्यासवे सळाळतो !
.................................... "
विशेष आभार: http://www.sureshbhat.in/node/657

1 comment:

Debu's Blog said...

मराठी शब्द कानावर पडले की खूप चांगले वाटते. त्याहीपेक्षा एक महत्वाची गोष्ट म्हणजे या तरूण पिढीचा मराठीभाषेचा असलेला लळा मराठी ला खूप पुढे घेउन जाईल याची खात्री वाटते.